Kugeza ubu ibintu bimaze kuba byiza hagati ya Arsenal na myugariro ukomoka mu Butaliyani, Riccardo Calafiori, cyane ko yamaze gukora ikizamini cy’ubuzima.
Akamwenyumwenyu ni kose ku bakunzi ba Arsenal, abakinnyi ndetse n’abatoza, cyane ko isa naho yamaze kwegukana myugariro w’imyaka 22 y’amavuko, Riccardo Calafiori ukomoka mu Butaliyani.
Amakuru dukesha Fabrizio Romano, avuga ko Riccardo Calafiori yamaze gukora ikizamini cy’ubuzima nk’umukinnyi wa Arsenal, igisigaye akaba ari ugushyira umukino ku masezerano.
Biteganyijwe ko kuri iki cyumweru, aribwo myugariro Riccardo Calafiori hamwe n’ushinzwe inyungu ze (Agent) baza guhagurukana i London, bakajya Los Angeles aho basanga Arsenal, maze bagasinya amasezerano. Ni amasezerano kandi biteganyijwe ko azarangira muri 2029.
Riccardo Calafiori ni myugariro utari umaze igihe kinini muri Bologna, cyane ko yari ayikiniye umwaka umwe gusa. Muri uwo mwaka, yayikiniye imikino 30, ayitsindira ibitego 2.
Mbere yo kujya muri Bologna, Riccardo Calafiori yanyuze mu Makipe nka Basel, Genoa na AS Roma.
Muri Arsenal, Riccardo Calafiori agiye kongera imbaraga mu bwugarizi bwari busanzwe burimo William Saliba, Kieran Tierney, Ben White, Gabriel Magalhaes, Jurrien Timber, Jakub Kiwol, Takehiro Tomiyasu, Oleksandr Zinchenko ndetse n’abandi.
