Mu karere ka Rutsiro, mu murenge wa Musasa, mu kagari ka Gisiza habereye impanuka ikomeye aho imodoka yo mu bwoko bwa Fuso yari ipakiye ibirayi yerekeza mu karere ka Karongi yahirimye maze ibirayi bikuzura mu muhanda.
Amakuru ava muri aka karere aravuga ko iyi mpanuka yabaye mu ijoro ryo kuri uyu wa 26 Nyakanga 2024 ku isaha ya saa tanu n’iminota 53 z’ijoro.
Gusa Imana yakinze ukuboko kuko nta muntu wahaburiye ubuzima, icyakora umwe mu bari bayirimo bivugwa ko ari we wari nyir’ibirayi yakomeretse bikomeye. Imbangukiragutabara yahise ihagera imwihutana ku bitaro bya Murunda biri muri ako gace.
