Kuri uyu wa Mbere, Rayon Sports iratangaza byinshi birambuye kuri ‘Rayon Sports Week’ na ‘Rayon Sports Day’ iteganyijwe tariki ya 3 Kanama 2024.
Ni bwo hamenyekana Umutoza mushya wa Rayon Sports byitezwe ko ari Umunya-Brésil Robertinho, ikipe izakina na yo ku Munsi w’Igikundiro [yamaze kumvikana na Azam FC yo muri Tanzania], aho umukino uzabera [nta gihindutse kuri Stade Amahoro] n’abakinnyi babiri bashya bataha izamu.
Mu bakinnyi bashya iyi kipe imaze iminsi iganira na bo harimo Umunya-Ghana James Akaminko wakiniraga Azam FC mu kibuga hagati.
Rayon Sports iheruka kunganya igitego 1-1 na Gorilla FC ku wa Gatandatu, izakina kandi undi mukino wa gicuti n’Amagaju FC ku wa Gatatu saa Cyenda i Huye.
