Umuturage witwa Mukakabera Rose utuye mu kagari ka Kiruli, mu murenge wa Mukingo ho mu karere ka Nyanza aratabaza inzego zitandukanye asaba kurenganurwa nyuma akarengane amaze imyaka 24 akorerwa n’umugabo we bashakanye byemewe n’amategeko ariko akaza kumwirukana nabi ubwo yari avuye gusenga yagera mu rugo agasanga umugabo yazanye inshoreke.
Mukakabera avuga ko yirukanywe n’umugabo we bari barasezeranye mu mategeko witwa Harimungu Charles ubwo bari bamaze kubyarana abana batatu aho umuto icyo gihe yari uruhinja rw’amezi abiri.
Abana Mukakabera yabyaranye na Harimungu Charles babwiye BTN TV ko nyina akunda kugira uburwayi bwo mu mutwe ndetse ngo akaba yaramaze igihe kinini arwariye indera ariko ngo bagerageza kwiyamba se ubabyara ntagire icyo abamarira mu gihe imitungo ya nyina yarimo iribwa n’iyo nshoreke ya Harimungu n’abana yatahanye muri urwo rugo ndetse n’imitungo imwe muri yo inagurishwa.
Umunyamabanga Nshingwabikorwa w’umurenge wa Mukingo, Kayigi Ange yavuze ko iki kibazo akizi ndetse ko yasabye abafite iki kibazo ko bazamwegera ari ku munsi wa Kabiri maze akabakira
