Ikipe ikunzwe na benshi mu bakunzi ba ruhago mu Rwanda, Rayon Sports yamaze gusinyisha umunyezamu witezweho kuzafasha iyi kipe kuzatambuka neza mu mwaka utaha w’imikino aho yasinye amasezrano y’imyaka ibiri nk’uko Ubuyobozi bw’iyi kipe bwabitangaje binyuze ku mbuga nkoranyambaga zayo.
Patient Ndikuriyo ni umunyezamu wakomeje kwitara neza aho yinjiye muri Murera aturutse mu ikipe yo mu majyepfo y’u Rwanda, Amagaju FC, akaba agiye gukinira Rayon Sports mu gihe cy’imyaka ibiri nk’uko amasezerano yasinye abigaragaza.
Uyu musore ukomoka mu gihugu cy’u Burundi yanyuze mu makie atandukanye aho yagiye yigaragaza neza mu izamu. Aha twavuga ko mbere yo kuza mu Rwanda yakiniye amakipe nka; Aigle Noir Makamba FC yo mu Burundi, Bumamura FC nayo yo mu Burundi na Vihiga United yo mu gihugu cya Kenya.
