Umwana w’imyaka itandatu wagaragaye ku mbuga za YouTube asengera Perezida wa Repubulika y’u Rwanda Paul Kagame ndetse n’Abanyarwanda akomeje gutigisa izi mbuga ndetse akaba yanatangaje benshi kubera amagambo y’ubwenge asengana.
Nk’uko uyu mwana yagiranye ikiganiro n’umunyamakuru Irene Murindahabi kuri YouTube Channel ye yitwa Mie Empire, uyu mwana ukiri muto agaragara abwira umunyamakuru ati: “Tubanze dusengere igihugu”.
Mu mupira w’umweru uriho ifoto y’Umukuru w’Igihugu ndetse n’amaherena yanditseho ijambo ‘FPR’, uyu mwana atangira ikiganiro asenga maze agasabira umugisha u Rwanda ahereye ku mukuru warwo ndetse n’abarutuye.
