Umuhanzi ukizamuka Tonny Bell, yavuze ku rugendo rwe muri muzika, asaba abashinzwe kwamamaza ibikorwa by’abahanzi kureka kwirengagiza iby’abakizamuka kuko ari bo babumbatiye umuziki Nyarwanda w’ejo hazaza.
Yavuze ko atangira gukora umuziki, indirimbo ya mbere yayikoranye n’abandi bahanzi batatu ariko kugira ngo isohoke ijye hanze biza kugorana ku bwo kubura ubushobozi kwa bamwe.
Muri urwo rugendo rutoroshye rwo gutangira, Tonny yahishuye ko hari indirimbo yaje gukorera i Kigali avuye mu Ntara, bikaza kurangira idasohotse ku bwo kubura amafaranga amufasha kubona icumbi hafi ya studio.
Tonny Bell yavuze ko ari mu nzira zo gushyira hanze indirimbo yakoranye n’abandi bahanzi bazwi mu muziki nyarwanda, ahishura ko hari aho yagiye akomanga asaba collabo bakamutera umugongo. Yashimiye abakomeje kumushyigikira muri uru rugendo, asaba abakunzi b’umuziki nyarwanda kurushaho kumutera ingabo mu bitugu.
Uyu muhanzi amaze gushyira hanze indirimbo zirimo gukundwa cyane zivuga ku rukundo aho ushobora kuzisanga ku rubuga rwe rwa YouTube arirwo “Tonny Bell Official”.
