Rutahizamu ukomoka mu gihugu cya Uganda, Joachim Ojera wakanyujijeho mu ikipe ya Rayon Sports kuri ubu akaba ari gukinira mu gihugu cya Misiri ategerejwe i kigari aho yamaze kumvikana n’imwe mu makipe bivugwa ko ahemba iritubutse i Nyarugenge.
Uyu rutahizamu wahaye abakunzi ba Rayon Sports ibyishimo bisendereye agiye kugaruka gukinira i Kigali aho amakuru avuga ko yamaze kumvikana n’ikipe ya Police FC akazayikinira umwaka utaha.
Amakuru dukesha ikinyamakuru YegoB aravuga ko na mbere y’uko Joachim Ojera yerekeza mu Misiri ava muri Murera yari yabanje kuvugana na Police FC ayibwira ko abanje kujya guca inshuro mu Misiri by’igihe gito, nyuma akazagaruka agakinira Police FC.
Amakuru aturuka mu Misiri kandi avuga ko urugendo rwa Joachim Ojera rutagenze neza muri icyo gihugu ngo kuko mu gihe cy’amezi atandatu amazeyo yananiwe kwitwara neza.
